Ture Aventure 272 Aksesime

Shtegu Pogradec-Kabash-Ujëvara e madhe (Katjel)

Rreth Shtegu Pogradec-Kabash-Ujëvara e madhe (Katjel)

Pas ecjes për disa orë, ne do të shohim një pamje të mahnitshme plot gjelbërim dhe lëndina duke parë nga lart edhe panoramën e qytetit dhe Liqenit. Përgjatë ngjitjes do të kemi edhe një sheshpushim në kishën e kabashit “Shën e Djela” e cila na ofron një pamje të mrekullueshme ku fjalen e ka vetëm natyra e qetë. Në këtë sheshpushim do të shijojmë edhe ushqimet e pregatitura vet. Më pas rifillojmë sërisht ecjen ku do të zbresim drejt ujëvarës së vogël, e cila përveç pamjes së bukur na ofron edhe historikun e saj të hershëm si edhe emrin e saj KATJEL ( Katjel-në latinisht do të thote kështjelleose kështjellare, ku banoret e kalasë të Pogradecit gjatë dyndjeve sllave u zhvendosën në këtë zone, e cila mori emrin Katjel ). Më vonë banorët e kësaj zone zbritën dhe populluan qytetin e sotëm të Pogradecit.
Destinacioni kryesor  ku do të mbërijmë ofron një pamje të mahnitshme ku ndërthuret ujëvara e madhe  me natyrën dhe gjelbërimin. Vendi është mjaft I përshtatshëm për ngrijten e çadrave kamping.

Ky shteg fillon nga qendra e qytetit të Pogradecit. Fillimisht do të udhëtohet më këmbë nga qendra e qytetit deri tek lagjja e vjetër e qytetit Gorica. Më pas fillon edhe ngjitja drejt këtij shtegu. Distanca nga qyteti i Pogradecit drejt kishës së Kabashit është 2.3 km dhe përshkohet përafërsisht reth 1 orë ( shteg ecje ). Distanca drejt destinacionit kryesor nga kasha e Kabashit deri tek Ujëvara e madhe është reth 30 min (shteg ecje ).

Për të ngjitur këtë shteg nuk kërkohet përgatitje fizike pasi konsiderohet terren me shkallë veshtiresie relativisht të lehte për ngjitje.

Facilitete

  • Bidona Uji me Vete
  • Duhet Ushqim me Vete
  • Kamping me Cader
  • Ne Kembe

Tags