ODEONI I QYTETIT
Odeoni është një hapësirë e cila shërben për organizimin e festivaleve, aktiviteteve dhe eventeve të ndryshme artistike dhe kulturore në qytetin e Pogradecit të cilat zhvillohen kryesisht gjatë stinës së verës. Rikonstruksioni i tij në vitin 2021, solli si risi realizimin e një elementi të veçantë arkitektonik siç janë kolonat dhe pilastrat, punimi i të cilave është bazuar në fasadën e kapiteleve të stilit jonik të Varrit nr.3 në Selcën e Poshtme të cilat shpesh herë paraqiten me zbukurime dhe ornamente të ndryshme floreale.