PLAZHI I UÇKAVE
Plazhi i Uçkave është një nga pesë plazhet publike të qytetit të Pogradecit. Uçkat, nga ka marrë emrin plazhi, janë mbetje trarësh të një moli të ngritur në vitet 30’ të shek. XX për të ankoruar barkat e transportit të mallrave dhe udhëtarëve mes Pogradecit dhe Ohrit. Ky është një plazh me guralecë të vegjël e me ujë të kristaltë, i frekuentuar nga një numër i madh pushuesish gjatë stinës së verës dhe jo vetëm.