STUDIO ARTI “TASO”
Piktori pogradecar Anastas Kostandini është një nga piktorët e rëndësishëm të artit shqiptar të shekujve XX - XXI. Krijimtaria e tij tashmë njihet dhe është vlerësuar për cilësinë e lartë artistike, vërtetësinë dhe origjinalitetin. Tematika e pikturave të tij i kushtohet kryesishtvendlindjes dhe përfshin peizazhe, kompozime, natyra të qeta, portrete, grafika, vizatime, pastele, etj. Taso, në studion e tij ka ruajtur të paprekur pjesë të “skeletit të qytetit”. Ato janë të shpërndarë në pjesë të vogla, në mbi 20 000 vizatime me laps, penë, grafika, akuaforte, xilografi e karbon. Studioja e tij ndodhet në një nga rrugicat përbri rrugës “Naim Frashëri”.