FOTOTEKA “MISTO CICI”

Në lagjen e “Burimave” pranë kishës së vjetër të qytetit ndodhet shtëpia e mjeshtrit të fotografisë Misto Cici. Në shtëpinë e tij vizitorët mund të shohin nga afër dhe të njihen me kontributin e tij në dokumentimin e jetës e kulturës së Pogradecit përmes objektivit.

Misto Cici në vitin ’47 u cilësua si fotografi më i mirë për cilësinë dhe saktësinë e fotografimit gjatë fushatës për pajisjen e popullsisë me pasaporta të reja. Ai u shndërrua në fotografin e parë të Pogradecit dhe të parin e fotografisë artistike në Shqipëri.